【獨家】張曦雯捱車「撞」嚇窒馬德鐘

無綫新劇《跳躍生命線》在西貢拍攝撞車戲，講述擁33C上圍的張曦雯（Kelly）為救小朋友而被車撞，馬德鐘來遲一步而未能及時救對方。首次拍撞車戲的Kelly親身上陣，見汽車橫衝直撞後在其面前半呎範圍內急停，場面驚心動魄，但她唔識驚，拍足六、七次仍面無懼色！原先在車上看劇本的馬德鐘，在對方拍最後一Take時現身現場，驚見對方原來拍如此危險的場口，睇到O晒嘴，更着緊地叫她小心！其後，Kelly拍攝撞車後的場口，見馬德鐘從遠處衝向已躺在地上、化了受傷妝的張曦雯，表情十足。

「下次戴番護膝」

被問到撞車場口拍六、七次可會害怕？Kelly直言首次拍撞車戲「唔識驚」：「頭先都唔驚㗎！係馬德鐘話好危險我先識驚，又冇諗會受傷，劇組會錫住我嘅！」談到譚俊彥早前拍攝《特技人》一場飛車落山的戲，左手被玻璃割傷要縫18針，她聞言即說：「咁講就真係驚啦！我下次都要小心啲，戴番啲護膝！」

至於馬德鐘讚Kelly拍劇經驗雖然不多，但做得自然又有個人風格。他又透露劇集餘下兩星期的拍攝期，完成後想與太太及仔仔去旅行，但暫時未定目的地。