犯晒禁忌 莫竣名酒店房讀聖經嚇到彈起

20171007
東網電視
更多新聞短片
莫竣名本身唔信鬼神之說,不過今次都嚇到個心離一離呀!

24歲男模莫竣名(Louis)最近不但經常參與廣告拍攝,早前更為ViuTV節目《入住請敲門》走訪五間台灣著名猛鬼酒店,更不斷犯禁挑機,擺明豁出去搵命搏。他坦言一直都不信鬼神之說:「所以一開始都驚因為咁會拍出嚟冇效果,但攝製隊就叫我唔使特別扮驚,好似探險咁就得,有咩照直講。」提到奇怪經歷,他直言曾經嚇到個心離一離:「有間五星級酒店話有兩母女嘅鬼魂會騷擾住客,個女仲會喺床度跳跳彈彈。攝製隊見我早幾日冇事發生,就叫犯晒啲禁忌,好似入房前唔敲門同埋讀嗰本聖經,就喺讀讀吓本聖經時,突然聽到有把女仔聲喺我耳邊『嘻嘻』,嚇到我即刻彈起,不過應該係我自己聽錯。」

自嘲「矮仔」

提到不少人讚他是型男,更指他是「翻版金城武」,但他就指自己不算有型更自稱「矮仔」:「我得172高,我啲朋友成日笑我!(冇打波?)唔密,其實我阿爸打波好勁,但都好矮。(覺得自己似金城武?)冇佢咁有型,佢有型好多,男人味重啲。(你好多鬚喎!)都仲係好𡃁仔,雖然好多人話我留鬚好睇,但其實係我鍾意剃鬚,因為啱番自己個性格同年紀!」提到他在中大數學系畢業,問讀書時是否經常「畀女圍」,他笑謂:「冇女圍㗎,畢業後先有,但其實我好頹,好多時出街都唔Gel頭,仲會着短褲兼踢拖。」

Credit:
化妝:Scarlettymakeup