練到有腹肌！田蕊妮望操出鋼條身形

女藝人田蕊妮身穿新劇《誇世代》戲服出席《TVB 50周年　華麗轉身　邁步同行》，劇集將於11月6日播出，她表示8月才拍完，今次算是拍畢之後最快上映的劇集。問有否信心再奪視后？她說：「冇諗，應該唔會，呢套係小品啲，輕鬆嘅，50集都幾好笑，戲入面我就飾演Bobby（歐陽震華）老婆，仲有好多人客串。」

阿田又表示暫時未有接劇，但會繼續出席活動及宣傳，而最近很努力做Gym：「之前食無定時，狀態麻麻，呢排做多咗運動，希望練到腹肌同鋼條身形，咁多年都冇試過，依家開始有少少腹肌架喇！但未去到六舊。（會影相騷出嚟？）會呀！可能係曇花一現，一定要留倩影。」