東網電視
更多新聞短片
陳詩欣就話最近好大壓力。
1/6
歌手陳詩欣（Eunice）連日來在網誌上載靚相兼留下多段慨嘆感言，Eunice承認近日有不少煩惱及壓力，她說：「呢排除咗做自己工作之外，諗緊發展生意仔，自己年紀都唔細，諗吓做歌手、演員、模特兒外，有冇一樣嘢特別喜歡，網誌上面打嘅嘢，因為呢排壓力好大，除咗諗自己前途同方向之外，又要諗自己生意，真係有好多好多壓力，所以喺網上抒發。」之後又隨即哈哈大笑說：「大家都好關心我。」並火速報平安說：「希望今個月底可以處理好晒所有嘢，冇咁大壓力，網誌就會有好多好開心嘢。」
Eunice透露與唱片公司已完約，現時只有經理人約，由於近年唱片市道低迷，歌手收入大減，問到Eunice能否維持生計？她直認減少給父母的家用：「真係好多謝父母，佢哋好支持我，之前做模特兒收入穩定就會畀多啲家用，依家真係畀少咗，但都有畀，父母一啲怨言都冇仲好支持我。今年廿五歲喇，要搵新方向同發展，可以照顧到佢哋，佢哋都年紀大，作為囡囡嘅我係要Take care佢哋。」
佢就話呢排除咗煩自己工作之外，仲要諗自己有咩生意可以做。
雖然佢話好快搞掂，但收入唔高嘅佢就要Cut爸爸媽媽嘅家用。
又自嘲年紀開始唔細。
好彩佢嘅屋企人都好撐佢！
不過佢就多謝大家嘅關心，仲話好快會冇事！
