冇得晒肌　馬德鐘全套制服上陣包到冚

馬德鐘（Joe）日前為劇集《跳躍生命線》到土瓜灣公眾碼頭拍攝一場拯救戲份：「講打風時有對情侶去睇浪，被浪捲咗出去，我哋去救番佢，但對男女仲唔知錯。套劇想帶出自己想冒險都可能會影響其他人。」

同崔建邦勁合拍

提到首次與崔建邦合作，他大讚與對方非常合拍：「唔使教佢，佢駕輕就熟又有經驗。佢做主持方面出色，所以拍劇都唔需要擔心。」他更透露稍後會拍攝要爬山拯救的戲份，因要着整套制服救人，所以不會在劇中大騷肌肉。他又謂之前曾到過消防局了解救護員的工作，發覺原來救護工作非常密，有時每隔數分鐘便要出車。

唔會刻意推薦囝囝拍劇

此外，問到會否曾今次拍劇的機會，向無綫推薦囝囝馬在驤客串，一嚐拍劇滋味，馬德鐘說：「唔會刻意做呢樣嘢，佢自己再諗諗啦！」