【原來相識廿載】黃心穎爆胡楓教做功課

20171009
東網電視
更多新聞短片
原來黃心穎同胡楓一早識!

無綫新劇《堅離地愛堅離地》在將軍澳電視城試造型,黃心穎、裕美、陳婉婷皆以女僕造型示人。提到黃心穎於劇中扮演PTGF(兼職女友)及KOL,她說:「之前冇聽過PTGF呢個terms。(劇裏面要援交?)未去到援交,總之樣樣都要收錢,掂一掂都要收錢。(係咪好貪錢?)唔係,係為咗生存,講角色係住屋邨。(有冇其他性感造型?)劇裏面做KOL,裏面有好多造型,有啲會性感啲,仲要着住呢套女僕衫跳舞。(有冇畀馬國明睇過女僕造型?)冇喎。(馬國明鍾唔鍾意制服造型?)唔知喎,你問佢啦。其實角色最難係要嗲人,自己太過粗豪。(嗲吓馬國明練習?)佢就想,哈哈!」黃心穎又指今次最開心是能夠與胡楓(修哥)合作,她笑說:「我哋識咗廿幾年,因為修哥搵我daddy睇醫生,我細細個嗰時,修哥仲教過我做功課添。」

黃心穎被拍得撇下馬國明單獨逛街,期間很有善心扶長者過馬路,她說:「呢啲好人性嘅嘢嚟,自己好嚮往一個人行街。」


----------------------------
東網巨星開咗ig喇,大家快啲follow啦!
https://goo.gl/KGuo2N