唔同麥紫莉合照　麥家琪：搵人分我半張相？

女藝人麥家琪、麥紫莉、張可義及何慈茵等出席ViuTV 2018節目發布會，宣傳她們有份參與的《G-1格鬥會II》，已戰敗的麥家琪表示比賽傷及頸部舊患，要睇醫生針灸，問有否後悔參賽？她說：「冇！其實都唔係咁辛苦，係覺得發揮得唔係咁好，始終第一次比賽，諗唔到原來係咁，不過三節兩分鐘比賽其實都唔難捱。（仔仔有冇睇法？）佢係咁叫我唔好死，叫我要返屋企，感動得嚟又好笑。」

講到另一參賽者蔡嘉燕被何慈茵打到眼腫面腫，但麥家琪戰敗仍然保持靚樣，她笑說：「我識保護自己，唔好打到個樣。（冇畀人針對？）其實蔡嘉燕係友誼小姐，前一日仲收到最多禮物，但第二日就打到咁，呢啲嘢冇得講，何慈茵係武術家嚟架！（慶幸冇抽到對佢？）如果對佢，我會同佢傾吓偈，心理輔導吓，係咪要打到咁腫先，上鏡係咪好睇先？不過可能佢都係無心之失。」講到上一輯節目，眾女勾心鬥角互鬧，問今輯有冇此情況？麥家琪自嘲年紀大冇埋堆，因此沒有牽涉當中，但覺得很多工作人員都是後生女，氣氛十分年輕。

提到上次活動，麥家琪婉拒與麥紫莉兩人合照，她說：「唔需要啦！有大合照就得，做咩要搵個人分我半張相。（嫌棄佢形象？）其實佢都係乖女，唔係點出聲，可能係朋友害佢，經一事長一智啦！我細個都任性，唔識諗過，不過佢就瘦啲好啲囉！」