阿Sa拍鬼片唔敢睇　張智霖劏林家楝過癮

由邱禮濤執導的電影《陰陽路》系列成為港產鬼片經典，首部作品在1997年誕生，20年後再推出《常在你左右》，由張智霖（Chilam）與蔡卓妍（阿Sa）擔正主演，他說：「今年係《陰陽路》第二十年，《常》亦係《陰陽路》嘅第二十集，當年《陰陽路》係古天樂第一部有角色嘅電影。」他透露Chilam在戲中有自殺戲，被指聯想到近月發生的「Lan線自殺事件」，邱禮濤直言劇本在五年前已經開始構想。

拍自殺戲時諗起家人

張智霖坦言較少演變態角色，戲中的他有自殺戲亦有劏林家楝屍體的戲，直言感覺並非想像中舒服：「心理狀態係唔舒服，因為拍戲就當真咁做，我又未自殺過，嗰一刻會諗起家人。（支解戲？）過足癮啦，唔知出嚟效果大家會見到幾多，但當時係投入去做，我係真係有鋸過嘢㗎！（怕？）唔怕，反而係會問應該要點鋸。」

羅蘭講對白感覺有嘢

已經是第四度與邱禮濤合作的蔡卓妍，四部電影都是不同類型，她坦言不看鬼片，更從未看過《陰陽路》系列的電影，爆料指當初邱禮濤找她拍攝該片時說：「拍我OK呀，不過我都唔睇鬼片，首映我未必到！」她指拍戲時不怕，唯一是與羅蘭拍對手戲時覺得驚：「羅蘭做好多呢啲角色，佢一耍劍、撒米，真係覺得好似有嘢喺旁邊咁，同佢講嘢都會起雞皮。」

張智霖髮型：Vic Kwan@ii Alchemy

張智霖化妝：Hetty Kwong

張智霖服裝：Kent & Curwen

蔡卓妍髮型：Sing Tam(Pi4.hk)

蔡卓妍化妝：Natalie Soo.ki@NDnCo

蔡卓妍造型：Fame Glory

場地：香港九龍貝爾特酒店