曲線認愛？Yumi@BY2性感下廚「洩密」

新加坡孖妹組合BY2成員Yumi（白緯玲）同家姐Miko（白緯芬）就以雙胞胎呢個賣點為人熟悉，而佢哋不時都會喺社交網同網民分享生活點滴，實行同網民多溝通多互動。最近Yumi就喺ig甫咗幾張新相，相入面就見到Yumi喺廚房煮番幾味，而最吸引網民嘅唔單只係佢嘅手勢，而係佢個下廚Look，佢就着小背心同超短熱褲真係超惹火！但呢啲都唔係重點，重點係其中有一張相，就影住隻貓好歎咁瞓喺枱面，但後面嘅玻璃竟然反射咗一個戴住帽、着住黑衫嘅男人，相當有可疑！最有可疑嘅係Yumi嘅留言，佢就話：「好久沒這樣下廚了！大家好，給大家介紹一下，這是我男朋友。」睇嚟似乎係低調認愛咁喎！