劉佩玥疑患焦慮症　何雁詩翟威廉咁樣講

藝人翟威廉及何雁詩為無綫節目《終極街頭魔法王》出席宣傳活動，談到二人的好友劉佩玥，在社交網站上載危坐天台的照片，又稱病，更hashtag咗anxiety cure（焦慮治療），惹來患上焦慮症疑雲。

二人作為劉佩玥好友，何雁詩指對方希望大家對焦慮了解更多，又指劉佩玥為人只是較易緊張，並不是發文所寫的原意。至於劉佩玥稱病，何雁詩說：「應該係講傷風感冒嗰啲啫。」二人被問可有覺得劉佩玥不開心？二人齊聲回答沒有，翟威廉搞笑說：「係我唔開心呀！」何雁詩就搶答謂：「佢做Happy Live做到個個上去佢屋企，但冇人上佢張床！」翟威廉笑言：「因為我有兩個地方嘅，做Live嗰度有張床，佢哋就話咁多人上嚟都冇人上張床，依家冇㗎啦，嗰度淨係工作！」翟威廉又笑指有焦慮的是自己，因忙於為Happy Live找歌找嘉賓，至於上一次何時見過劉佩玥？翟威廉說：「佢最近都開工，拍緊《跳躍生命線》。（佢請假？）冇呀，唔容許㗎，拍劇檔期都排晒！」

翟威廉成日被指做兵

至於可有覺得劉佩玥無病呻吟？何雁詩說：「都唔係，佢原意係想講生活入面有值得開心嘅事，張相我都有睇，應該係拍劇嗰陣影，套衫一定係戲服啦！」她又指作為好友會明白對方，知對方是多愁善感的人。此時翟威廉又跳出來搞氣氛，自嘲經常被指做兵：「我都係多愁善感㗎，又話我係兵，成日含淚到天明，嗚嗚！」

話陳瀅冇復合

何雁詩好友陳瀅被指與舊愛何猷亨愛火重燃，她說：「以我所知佢係單身，希望報道唔會影響到其他男仔埋佢身，佢屋企人唔喺香港，大時大節搵朋友陪吓。（贊成復合？）冇話贊唔贊成，拍拖係開心事，但佢哋應該唔係，不過問我都唔准，因為就算係我都話唔係！」翟威廉被問可有想過追陳瀅？他笑言：「放係個Waiting List到囉，唔好嘥吖嘛！」

----------------------------

東網巨星開咗ig喇，大家快啲follow啦！

https://goo.gl/KGuo2N