同二胡女神陳璧沁開騷　張敬軒講心唔講金

歌手張敬軒（軒仔）與二胡女神陳璧沁為本周日（15日）於新城市廣場舉行的音樂會綵排，非首次與管弦樂合作的軒仔笑言為免演出失準會好好練習，並透露當中的樂手曾合作過，記者笑指他20年前合作？軒仔說：「我入行10幾年啫。」隨即表示這次演出場地是他入行首次表演場地，他說：「當日（入行首次表演）係冇歌酬。（今次歌酬10級跳？）唔講錢，講心唔講金，音樂人交流。」今年入行15年的軒仔坦言心境年輕，他說：「我好後生。（今年開騷慶祝？）10年開咗，15年自己知就算。」軒仔早前為照顧患病愛犬而暫停出埠工作，他透露現在正式復工：「依家我隻狗仔穩定咗，因為我睇咗傳心師，話狗狗知道自己行動不便，話唔想我擔心。（信傳心術？）唔否定有呢樣嘢存在。」

對於早前又發生「性交轉運」報道，軒仔說：「冇睇報道，亦唔會參加，應該話讚成大家揀自己嘅宗教，最緊要全心向善，運氣、愛情係睇內心強唔強大，而唔係求於他人。」基督徒的軒仔表示遇到不快都會祈禱求上帝力量，他說：「近排出現好多神迹。」軒仔自爆早前投資英皇旗下新樓盤有斬獲，他說：「一開售呎價升咗少少。（你買入時有折頭？）員工價啦。」