劉愷威43歲生日　楊冪連續5年零時送祝福

藝人劉愷威同老婆楊冪結婚3年幾不時傳出婚變消息，不過佢哋就用行動粉碎傳聞！今日係劉愷威43歲生日，楊冪就踏正凌晨零時喺微博發文：「糯米爸爸，生日快樂！」而冧爆嘅劉愷威喺3分鐘後睇到微博，轉發貼文同用三個心心回應！

而重要嘅係呢次係楊冪連續5年都係踏正零時或者早咗1分鐘同老公講生日快樂，網民都大讚好Sweet，祝佢哋永遠幸福呀！不過今年唔同嘅係，冇咗句「剩下話悄悄說」噃！而楊冪咁甜蜜嘅舉動，更成為微博熱搜榜第一位，認真誇張！