樂壇新人徐加晴打工儲錢劍橋讀音樂

20171013
東網電視
更多新聞短片
徐加晴自細就立志做歌手。

樂壇新人徐加晴(Rana)自細已愛上唱歌,曾參與不少學校歌唱比賽,直至畢業投身社會即努力打工儲錢出國深造,並飛到英國劍橋修讀音樂課程,Rana說:「唱歌係由細到大嘅夢想,讀小學參加第一個唱片比賽,第一次已經攞到冠軍好有成功感,返到屋企父母都有讚賞,覺得自己唱歌係咪咁叻呢,之後日日都喺屋企練歌。」Rana自爆求學時每日上堂都唱歌,她說:「中五後就立志要入行做歌手,當時冇諗幾困難同市場需要,好麻木咁追隨要唱歌呢個目標。」

出身小康之家的Rana感激父母一直支持同鼓勵,她說:「屋企人支持到畀錢我去學唱歌,當時真係好內疚,唔鍾意問爸爸媽媽攞錢,覺得佢哋畀我嘅教育就係9年免費教育,不過返第一份工出糧即畀番錢媽咪。」Rana提到當日隻身飛到英國讀音樂的思鄉日子,她說:「雖然有思鄉病,但都好Enjoy,不過成日打返嚟問媽咪湯點樣煲。」近年不少歌手慘遭網民惡意批評,問到是否承受到壓力?Rana說:「我對住鏡都知自己缺點,就算畀人評頭論足我覺得有被討論價值,冇人講反而覺得冇人睇得到我嘅存在。」不少女藝人曾經收過飯局利誘邀約,問到會否被錢沖昏頭腦?Rana說:「絕對唔會,自己本身好專心唱歌,冇諗其他嘢。」


服裝:Spark Fashion Shop