恭喜!胡杏兒順產誕8磅B仔「Brendan Lee」

20171013
東網電視
更多新聞短片
恭喜!B仔Brendan一出世勁多頭髮!

現年37歲的胡杏兒,在IG宣布幾日前於醫院順產誕下重約8磅的囝囝Brendan Lee!老公李乘德(Philip)在IG宣布喜訊,並上載一張抱着B仔的照片,只見B仔頭髮多多,Philip盡顯父愛。而杏兒隨即上載一張跟老公做心形手勢護着BB小手的照片,然後寫上「我們仨」,剛好跟郭富城早前在微博宣布太太生咗一樣,真係充滿愛呀!

發夢諗到囝囝個名

Philip在IG用英文撰文,大約意思是:「Brendan呢個名嘅意思代表王子,係我有一晚發夢突然諗到,兒子已出世幾日,係順產嘅,大約7至8磅,非常健康,而且佢嘅肺活量仲好厲害添!媽咪都好好,但佢好攰,相信產後餵人奶對我哋嚟講係一種新挑戰,杏兒依家唔得閒睇電話,希望大家都送上祝福、祈禱,希望佢好好休息,同盡快康復,我哋都多謝大家祝福。」而杏兒則用英文寫道:「我們一家已齊齊整整!」

2015年拉埋天窗

杏兒於2015年12月與老公李乘德(Philip)拉埋天窗,杏兒於今年五月時宣布已懷胎四個月,成為「胡說八道會」姊妹中首位媽咪!而杏兒曾表示懷胎過程不算漫長,因挺住巨肚的她亦經常出席公開活動,更曾與好姊妹到澳洲拍節目,行動自如,甚至到預產期一個多月前才正式停工休養。

老公係新界圍村人

而杏兒老公李乘德身為新界圍村人,若誕下B仔便有機會分地起屋,所以外界都對BB性別表示關切,而做媽咪的杏兒多個月來一直保持神秘,一班好姊妹亦守口如瓶,終於在上個月舉行Baby Shower派對,以藍色為主題正式宣布佗慈姑椗「Baby Lee」,夫妻二人難掩喜悅。

生完B攰爆

至於杏兒就透過所屬的經理人公司宣傳部回應:「我哋已經返咗屋企,因為都有啲攰,開始餵人奶,要閉關啦。多謝各位祝福,我哋母子平安,好開心順產成功,感恩!」

----------------------------
東網巨星開咗ig喇,大家快啲follow啦!
https://goo.gl/KGuo2N