百感交集！Soler返意大利開騷冇違和感

組合Soler早前到意大利開騷，弟弟Dino坦言心情很難形容：「20年喇，我哋返番呢個地方，成個感覺好奇怪。」哥哥Julio指意大利是Soler首次認真製作音樂的地方，當時他們仍未叫做Soler：「喺度兩年，臨尾幾個月先改名做Soler。我哋不停造歌，造到得為止，寫親都係意大利文歌。」他透露二人當年身處一間細小的房，20年後重返舊地，Dino笑言就像見到自己的鬼影：「令我反省自己變咗幾多，不過嗰時對寫好歌嘅渴望，到依家都冇變過。」

提到演唱會在建於14世紀的教堂舉行，有近200名觀眾入場，Julio說：「幾High Class！感覺好正！氣氛好開心。唱唱吓歌發現20年冇見嘅人都嚟咗，唔知點形容，好奇怪，有啲老到我都唔認得。」他們形容Soler與意大利就像失散兄弟，在音樂上有很大可能性去發展，現正計劃當中，Dino說：「依家未講得住，但如果可以參與到當地某個大型活動，都會幾大陣仗。暫時我哋淨係要做好自己，唔諗咁多，嚟緊有6首歌要趕貨！」