Bingo換血5變4　成員似水原希子GD都?

由隊長Carman（關嘉敏）率領的女子組合Bingo，今年重新「換血」由5變4，加入有「港版水原希子」之稱的Katie（陳韻瑧），與Christy（周彥）、Odilia（陳康琪）和Carman齊齊「舞出星途」，而Katie的相貌就連韓國天團Big Bang的G-Dragon（GD）都兩度向她行「注目禮」。

Bingo早前進行大換血，第一代成員Gia和Kylie離隊，加入「新血」Katie，令Bingo以全新四人組合面貌示人，由舞蹈員轉戰樂壇的Katie，因為酷似日本藝人水原希子，令她有不少奇遇。Katie表示：「由未加入Bingo前都已經有人話似。」因水原希子曾與GD傳出緋聞，而GD多次來港演出，Katie可有一面之緣？Katie謂:「前年喺MAMA（頒獎禮）到，我嗰時仲係Dancers。（GD望到你？）我冇專登望，怕令人唔自然，但我見佢係不時都有望過嚟。」

Katie亦怕自己「諗多咗」，但演出後第二天再在機場偶遇GD：「佢咁啱過行李時就喺我隔離條隊，本身我唔認得佢，佢戴晒口罩，戴晒帽，反而係我同行嘅人話我知，話GD係咁望住我。（乘機識佢？）我唔識韓文，同埋我都唔係佢Fans。」相反Katie想見水原希子一面，要和對方集郵。

至於三位Bingo成員對於新成員Katie加入，隊長Carman直言最「嬲嬲豬」，因跳舞關係她們三人早已認識Katie，但Katie就瞞着她們秘密Casting。Katie坦言：「怕Casting失敗所以唔敢講，到知道得咗，就想畀佢哋一個Surprise，同埋都想試下自己能力，而唔係靠朋友關係入嚟。」三女稱當知道是Katie其實很開心，少了擔心卻多新衝擊，Carman謂：「我哋三個之前好多嘢都諗過試過，依家Katie就可以幫我哋諗到一啲新idea，嚟緊排舞同拍片，好多都係Katie提議，大家亦唔駛花時間磨合。」