任嬌離奇死亡　楊旭文為友人慶生笑唔出

內地女演員任嬌日前被發現伏屍喺蘇州一間酒店附近嘅草叢，死因引起外界熱烈討論。而身在蘇州拍攝劇集《金牌投資人》嘅內地小生楊旭文亦捲入事件，連日嚟都未見佢嘅社交網站有任何更新。直至尋日，有一位製作人就喺社交網站上載咗同楊旭文嘅合照，並留言：「感謝旭文弟弟和龍哥幫我過生日」身穿藍色西裝嘅楊旭文同製作人齊齊拎住蛋糕，不過就笑容欠奉，似乎滿懷心事。