傾完偈再爆喊!馮盈盈自爆有精神分裂

20171022
東網電視
更多新聞短片
馮盈盈大受歡迎!
前香港小姐冠軍馮盈盈在無綫節目《#後生仔傾吓偈》語出驚人爆金句,真性情大受網民歡迎,金句並被輯錄成「馮盈盈語錄」。馮盈盈與KOL馬景華(Kelvin)齊齊受訪,講到網民對馮盈盈的驚爆言論另眼相看,欣賞她的真性情,她笑說:「我諗係最初觀眾未係咁認識我,認識我嘅朋友都知我好爽直,傾偈唔會就住就住,節目畀大家睇到我另一面。」
冇專登度金句
金句大受歡迎,但馮盈盈強調不會去設計金句,她說:「係有啲受寵若驚,不過都有壓力,好似大家期待每集都有啲金句、爆點,但係我哋唔係寫定稿、去作、去諗定一啲金句,自己亦唔會為咗爆而去造作。」
角色多變要調節
由港姐高貴大方去到「貼地」做節目,馮盈盈似乎沒有港姐包袱,她說:「港姐場合就有番應有嘅形象,做節目就配合番氣氛,去到拍劇就認真投入角色,人有好多面,不過係咁轉嚟轉去係有少少精神分裂,嗰頭好開心傾完偈,轉頭拍喊戲,都要調節,哈哈。」
講出真實感覺
馮盈盈的大膽言論受歡迎反而自己也嚇一跳,她笑說:「我反而嚇親,日日都有人話好buy我,鍾意我咁嘅風格,自己都係將真實感受講出嚟,唔會就住就住,大家可能覺得幾新鮮。」Kelvin則說:「其實盈盈講嘅嘢幾貼地,又唔係不雅,都係搞氣氛,佢平時都係咁,幾欣賞佢做番自己。」
----------------------------
東網巨星開咗ig喇,大家快啲follow啦!