囡囡學法文 莫可欣:想送佢去瑞士讀書

20171023
東網電視
更多新聞短片
莫可欣話佢同囡囡都有瑞士國籍。
前港姐冠軍莫可欣出席蘇黎世的展覽活動,莫可欣自言是瑞士人,在香港出世,但在瑞士長大,擁有瑞士國籍,之前慧妍雅集曾安排香港學生到瑞士交流,因此她與當地有關機構相熟。問到若退休會否回瑞士居住,她坦言:「好難講,因為我老公(方中信)係紮根香港,不過依家9歲嘅囡囡都有瑞士籍,佢可以選擇去瑞士住,而且將來我都想送囡囡去嗰邊讀書,等佢開眼界,瑞士好靚又安全,比起好多國家,佢哋好歡迎外國人。(會唔會唔捨得囡囡去外國讀書?)大個咗都要,佢依家學緊法文,可能今年暑假會安排佢去法國參加夏令營,我都會陪佢去。」
談到工作,莫可欣自言全家犯太歲,她與老公很多工作都臨時被取消,但慶幸兩人身體無礙,她笑言:「我哋最近兩個都放緊假,所以我要照顧埋佢。(過吓二人世界?)有小朋友好難過二人世界,我哋瞓覺都係同埋囡囡三個人一張床,不過囡囡愈嚟愈大,手長腳長,成日瞓覺都會畀佢踢到我,可能要換過張床先得喇。」