歐陽巧瑩露纖腰　預告帶六套泳衣拍特輯

無綫咪神歐陽巧瑩穿着小背心大露纖腰，出席《躍動沙田單車及長跑嘉年華》記者會。她自爆近日因投考潛水進階牌而傷及腰部：「嚟緊要去帛琉拍旅遊特輯，所以要考可以潛到30米嘅牌。呢幾日上堂孭筒，自己百厭扭嚟扭去，睇吓陣間有冇時間去睇醫生。（男友林師傑冇幫你捽？）冇呀，未有時間。」她透露拍特輯時預算會帶備6套泳衣，於鏡頭前盡展美好身段。