豪宅玩3P 林作「性交轉運」賴嘢

20171024
東網電視
更多新聞短片
林作疑似在自己的豪宅內拍攝短片,目的是粉墨登場諷刺社會熱話「性交轉運」!

有自稱降頭師以「性交轉運」騙財,令唔少後生女上檔!一向留意時事嘅「過氣大律師」林作就喺社交網上載咗兩條名為「性交轉運上下集」嘅短片,似乎佢對呢單嘢好注意!

短片上集見到有線藝人尤蔭蔭扮演想轉運嘅少女,而林作就飾演操唔咸唔淡普通話嘅轉運師,尤蔭蔭遇上林作即時要求「陽氣」,於是林作就疑似爆粗話兩人要交合先得,畫面交代過咗12秒後,林作已經拉褲鏈,而尤蔭蔭就冚住張被話希望自己嘅愛滋病快啲好番,林作即刻嚇到話要攞鉸剪,但就唔知佢攞鉸剪做乜!

到咗第下集,內容繼續兒童不宜,尤蔭蔭又再搵林作要陽氣,林作話上次都既然賴咗嘢,今次再嚟都冇所謂,然後畫面交代12秒後,林作又再拉褲鏈,仲見到同床有另一位男士,三人同床畫面令人想入非非!攤喺床上嘅尤蔭蔭仲開口話陽氣唔夠,想再要,林作就話要幾分鐘回吓氣,另一位男士就話:「咁我先囉!」

網民都話唔知自己睇咗乜,仲有眼利網民發現拍攝地點係林作間豪宅。日前,林作先自爆要賣樓套現,咁如果賣咗,佢以後可以喺邊度拍片呢?