爛面配濃妝！利穎怡「乸口乸面」去到盡

「東張小花」利穎怡（Joan）平時在節目中靚靚女女，但熱愛演戲的她每次拍戲都去到盡，在劇集《雜警奇兵》中不介意醜化自己，演繹的角色整容失敗導致精神失常，外型似足《少林足球》趙薇般濃妝，而且要化刀疤爛面妝，單是化妝每次要三小時，試造型當日更花了六個小時，因要試四至五次研究爛面效果，更要搽非常「乸面」的刀疤水，Joan希望透過角色讓觀眾知道自己識演戲：「我研究好多之前演傻或瘋嘅演員，好多人畀意見我，例如叫我演黃秋生嗰種，但我覺得唔適合，最後我問監製佢都話其實想要『傻姑』嗰隻，有場戲要演得恐怖啲，幸好觀眾反應總算OK，但依家再演我可能唔會笑咁多，會加多啲變化。」