【獨家】黃德斌孖女友四圍攝攞靈感
20171028
東網電視
更多新聞短片
好恩愛呢！
現年54歲的大隻佬黃德斌，與圈外女友Joyce Wong相戀多年，早前曾公開表示希望事業有成後才迎娶女友，為提早達成理想，他除了努力工作賺錢之餘，生活亦相當慳家。多年來兩人互相扶持，幾年前德斌更打本給女友十多萬在尖沙咀開設時裝店，他不用開工時便會親自落舖幫手，生活如老夫老妻。
日前晚上，兩人在灣仔撐枱腳醫肚後，未有即時取車離開，繼續在附近拍拖遊街。二人趁該處的時裝店關門後，德斌化身「街拍王」於櫥窗外頻頻以手機拍攝店內新裝的款式及裝修擺設，從中偷師攞靈感。兩人影完一間又一間，期間亦邊行邊睇，女友更於大廈外研究舖頭上的招紙，見德斌動作多多不時講到手舞足蹈，兩人影了幾間時裝店才肯收手，之後雙雙折返附近街頭取車返歸。
----------------------------
東網巨星開咗ig喇，大家快啲follow啦！