再上舞台感恩　洪杰變自由身想闖影壇

歌手洪杰於今年9月約滿英皇後回復自由身，日前首次以自由身身份擔任歌手李彩華（Rain）演唱會嘉賓，洪杰坦言沒想過有機會再上大型舞台，他說：「冇諗過成為自由身歌手之後，咁短時間就有機會企上演唱會舞台，可以喺千人面前唱歌，真係好開心。」隨即感謝Rain邀請。洪杰坦言已治愈騷前恐懼症，他說：「以前無論上台唱歌同做司儀，每次開騷前一定緊張到肚痛要去廁所，好彩當晚演出一啲事都冇，相信係用咗10年時間訓練出嚟嘅成果。」洪杰於演唱會上獻唱電影《紮職》主題曲《有借有還》，洪杰說：「喺練習時令我睇番好多呢套電影嘅片段，勾起好多當時拍戲嘅回憶，令我對拍電影、演戲嘅好奇心又返嚟，希望有機會再接拍電影。」