愛狗「五少」離世　余文樂做運動忘記傷痛

狗狗係人類最好嘅朋友！藝人余文樂向來係愛狗一族，家有四隻狗狗，仲錫愛犬「五少」錫到燶。不過，余文樂早前曾透露「五少」嘅健康似乎出現問題，估唔到相隔一星期後，「五少」最終不幸離世，心情悲痛嘅余文樂喺社交網公布消息，並撰文悼念愛犬：「願你在天堂繼續開開心心，繼續吃個夠。我愛你五少。」盡見思念之情。

幸而余文樂早已收拾好心情，並振作起來，今早佢如常做運動，並喺網上分享自拍照，令一班粉絲唔好太擔心，佢仲留言話：「動一下把不開心的都帶過去。」