【獨家】王君馨失控爆喊 摑到黃智賢腫晒
20171031
東網電視
更多新聞短片
兩敗俱傷呀！
藝人王君馨與黃智賢（Ben）日前為無綫新劇《是咁的，法官閣下》拍外景，二人在劇中是一對離婚夫妻，劇情講述Ben帶君馨上山攤牌，講盡傷透對方心的說話，抵受不了真相的君馨爆喊之餘，更用力兜巴星再推開他！
喊到停唔到
為了取得不同角度，二人拍足4次，Ben慘食君馨4巴掌，最後一Take更被摑到面都紅晒。而君馨則太入戲，即使導演嗌Cut仍喊到收唔到聲，要Ben反過來安慰她，其後抹乾眼淚才能拍攝下一個Take！
「想一腳踢佢落山」
二人埋位前接受訪問，君馨笑言讀書時曾經係手球隊成員，所以可以摑得對方好準、好用力，即時嚇親Ben，君馨說：「套劇講我同Ben離咗婚，但個心一路有條刺，今日嚟攤牌，佢講盡傷我心嘅說話，我睇完劇本唔止想摑佢，仲想一腳踢佢落山！」更自爆近日為保持情緒，返到家中亦不敢與老公太Sweet。
黃智賢任摑
Ben則笑言不介意君馨踢他落山，不過一定要確保可以將他拉起，二人又即場試力，君馨打到Ben的手掌啪啪聲，更預告不可能一Take過，至少會摑幾巴，但Ben表示不介意，因為在劇中欠了她。
----------------------------
東網巨星開咗ig喇，大家快啲follow啦！