情侶檔現身!麥貝夷畀男友嫌身材唔夠好

20171031
東網電視
更多新聞短片
一對小情人喺度打情罵俏!
藝人麥貝夷(Karene)與KillerSoap低音結他手男友陳樂恒出席電影《我想吃掉你的胰臟》首映,兩人表示拍住拖出席活動非常開心,Karene指公開戀情後鬆了一口氣,樂恒笑說:「拍拖初期成日要前後腳,我驚我忍唔住從後攬住佢。」Karene說:「係呀!我哋係好需要身體接觸。(你係一個好Chur嘅女友?)呀?係呀!哈哈!係黐身型女友,佢本身係浪子型,有時唔記得報到,都曾經因為咁有過爭執,了解過後,我明白佢係太專注做緊嘢。」樂恒表示應該花更多時間陪女友,諒解對方黐身,問男方有否小浪漫?Karene說:「佢平時做得唔多,有時講吓『I Miss You』都好開心。佢都有為我落廚,今年我生日前幾日佢煮咗餐飯我食,都好Sweet嘅!」提到Karene之前自爆被男友嫌棄身材,指她不及馬國女神林明禎好身材,樂恒解釋說:「我明明鍾意瘦!好似Karene咁,我想佢做Gym,係想佢有腹肌咋!佢本身都Keep得好,想佢再好啲。」Karene笑說:「我諗佢識我都知我身材係點,唔會有不必要嘅期望。」
問到兩人會否情侶檔演出,Karene表示早前為KillerSoap的MV擔任女主角,但怪責樂恒竟然在另一套主演及執導的MV中跟另一位女模合作,但就沒有預先通知她,樂恒笑言要跪玻璃:「我同佢講因為MV女主角要死,我唔想佢死丫嘛!」