奇雲史柏西性醜聞佗衰家《紙牌屋》被腰斬

奧斯卡金像影帝奇雲史柏西（Kevin Spacey）日前被男演員Anthony Rapp驚爆性騷擾醜聞，消息傳出12小時之後，美國網台Netflix即時「做嘢」宣布將他主演的高收視網劇《紙牌屋》（House of Cards）腰斬，來年播映的第六季將會是最後一季！

聲明中指《紙》早在奇雲被指控性騷擾前幾個月，已決定拍完第六季後告一段落。在宣佈劇集腰斬之前，Netflix與監製的Media Rights Capital公司昨日在聯合聲明中說：「我哋對噚晚有關奇雲史柏西嘅消息大為苦惱，我哋兩間公司嘅高層今日下午已抵達Baltimore與演員同製作人員見面嚟確保佢哋繼續感到安全及獲支持。一如之前原定的計劃，奇雲史柏西目前並冇喺拍攝現場開緊工。」據知除了《紙》受牽連之外，原定由奇雲主演的Netflix原創電影《Gore》亦或會受影響拍唔成。

《紙》是以美國政治權謀為題材的連續劇，自2013年2月1日首播之後大受歡迎亦令Netflix打響名堂，今年5月已播出第五季，據知第六季亦已經開拍。而58歲的奇雲就憑劇中美國野心政客Francis Underwood一角獲2014年金球獎劇情組別最佳男主角提名，而2015年他再憑劇集首度封金球視帝！