羅霖有口福　拍戲有得咀小鮮肉

藝人羅霖出席電影開鏡拜神儀式，羅霖透露飾演模特兒公司老闆，仲會同20幾歲嘅內地小鮮肉有接吻戲，她說：「本身套戲話11月開拍，但點知就轉咗今晚要拍七場戲，仲要一嚟就要叫我同個小鮮肉錫，所以我都帶咗枝靚紅酒、香口膠同埋漱口水。（同佢見過未？）未，頭先一直都搵緊佢，通常拍呢啲我哋之前都會同個演員溝通，但點知今次一嚟就要錫，其實我都好緊張，因為同佢完全都唔識。之前我同關楚耀都叫係有溝通過，其實我嘅螢幕初吻係畀咗佢，不過個對手仲後生過關楚耀，第一次拍唔緊張，反而今次第二次拍仲驚啲。」

羅霖話除咗拍咀戲，今次仲要做主動，令到本身好保守嘅佢好緊張：「我好驚嚇親佢，呢兩日都睇咗唔少西片參考吓人哋點樣做主動，以前我哋嗰個年代鍾意人都唔敢出聲，今次我真係豁出去。」