「少婦聯盟」一周年 成員泳裝晒翹臀慶祝

20171101
東網電視
更多新聞短片
正呀!

圈中有唔少姊妹淘,好似由藝人胡定欣、胡杏兒等組成嘅「胡說八道會」,成員之間嘅關係分分鐘親過親姊妹,佢哋之前仲一齊拍攝旅遊節目,不知幾受觀眾歡迎!

而另一個新進「姊妹幫派」亦同樣有睇頭,就係由藝人陳凱琳、龔嘉欣、譚凱琪同沈卓盈組成嘅「少婦聯盟」,原來不知不覺佢哋已經成立「少婦聯盟」一年啦!為咗隆重其事,佢哋今日仲向網民大派福利!成員龔嘉欣同譚凱琪率先喺社交網上載四人性感合照,睇相見佢哋一齊着住復古款式嘅黑色一件頭泳衣,坐喺個大浴缸入面搔首弄姿,而向來身材有番咁上下嘅沈卓盈仲露出線頭,真係好養眼,不過最養眼莫過於佢哋四個對鏡自拍,然後趷起臀部,翹臀同四雙美腿睇到網民嘩嘩聲,話佢哋真係大個女啦!

龔嘉欣留言話:「少婦聯盟1歲啦!為了隆重其事,我們相約了攝影師、造型師和化妝師特別拍了一個專輯,紀念一下!和你們三個「少婦」一齊每次都真的很開心,笑個不停 ,真的很感恩一年前拍劇能夠遇到這幾位好姊妹!希望接下來,我們繼續互相支持,給對方和大家正能量 」而譚凱琪就以英文留言,內容大致係話:「為了紀念我們的1周年紀念,我們與一群很好的攝影師、造型師和化妝師合作,為我們的第一(非常有趣)的照片拍攝!我很高興在去年11月拍攝期間認識你們! 」