做導演上癮賴嘢！杜汶澤打造新版鄧麗欣

藝人杜汶澤接受奇妙電視《同Sing同戲》訪問，近年積極參與電影幕後工作的阿澤，於新片首次同時挑戰編、導、監、演四大崗位。他坦言當導演全因窮：「好多人視導演為理想目標，我就好簡單，全因為窮激發出我嘅小宇宙。點知一拍就上癮，我好享受指揮所有事，試過拍到忘形，返到屋企仲呼喝老婆，畀佢鬧番轉頭『你當呢度係片場呀？』我當堂醒晒！」

問為何找鄧麗欣（Stephy）擔任女主角？他解釋由構思劇本開始，對方已是女主角的不二之選：「佢嘅樣貌、身型、年紀都好配合角色，代表到一班現實中受到冤屈，好想用打嘅方式發洩出嚟嘅女性。」對於Stephy打女的形象令人眼前一亮，阿澤直言是Stephy一心想求變，跳出舊有框框的成果。

誠意打動倉田保昭

此外，該片更邀得空手道大師倉田保昭出演，阿澤表示事前做了很多準備功夫，他指倉田先生是他的師父，亦明白日本人做事一絲不苟的精神，所以專誠請人將劇本翻譯成日文，用誠意打動他。