擬結婚通知書曝光　羅頌欣聖誕嫁圈外男友

藝人羅頌欣完成無綫劇集《宮心計2深宮計》嘅拍攝工作後，原來靜雞雞入紙排期同圈外男友劉奮熙排期註冊結婚，佢哋嘅擬結婚通知書亦曝光。東網聯絡上羅頌欣，佢承認婚事將於下月聖誕節左右舉行，佢話：「男友係圈外人，我哋認識咗約十年。佢喺歐洲唱歌向我求婚，當時仲有啲公仔喺度，佢知我鍾意童話式。加上佢好孝順，人品好好，所以我答應咗。」

早前羅頌欣在活動上曾表示希望有小朋友，但佢就否認雙喜臨門，佢話：「都仲未有計劃要小朋友住，想過二人世界多啲先，多謝大家祝福。」