童年冇人照顧　宋本中原來係陳惠敏契仔

38歲的宋本中因熱爆網劇《反黑》而再次勾起觀眾的印象，名字可能大家會陌生，但一見他的樣貌便會記得，這位導演其實也是多年前於電影《三五成群》內飾演性格暴戾的童黨首領。今次執導網劇，他神奇地將許多「不可能的任務」完成，包括籌集六千萬資金、請到十多位香港實力派的演員如吳孟達、吳岱融、吳家麗等傾力演出、全球同步播映等，相當厲害！當然完成任務的過程不會輕而易舉，在籌集資金時，宋本中便遇上不少冷言冷語，但樂觀的他卻將之視作為另類鼓勵：「我乜嘢都未做到，畀人睇低好正常，我覺得呢啲反而係一種鼓勵。」

除了資金外，今次網劇請來多位香港實力派演員，當中陳惠敏與宋本中原來甚有淵緣，宋本中表示：「好開心，今次好多實力派嘅演員嚟幫手，好似惠敏叔咁，佢已經七十幾歲，一啲都唔似，其實啲演員加埋幾百歲，我拍嘅時候都一額汗㗎，個個都老前輩，但個個都對我好好，惠敏叔係我十一歲做童星拍戲嘅時候，領養過我同契過我，係我契爺。（陳惠敏領養過你？）係呀，當年父母唔喺我身邊，佢領養過我，媚姨（臨記公司領班）領養咗我最耐，佢而家係加拿大都有追個劇㗎，佢哋個個都對我好好，其實好多嘢好奇妙，有時你嘅經歷，係會成就到將來一個點樣嘅你，我好感恩有咁嘅經歷。」