打造潮爆愛情　蓋鳴暉同廿歲編劇仔談情

粵劇名伶蓋鳴暉（Joyce）及吳美英於將軍澳電視城為12月舉行的《歡樂滿東華2017》節目錄影折子戲，Joyce表示今次是第27年與東華三院合作，將演出新劇目《錦繡圖》之「醉柳尋梅」，她說：「由一個廿幾歲嘅後生仔編劇，政府好鼓勵新一代去寫劇本，戲曲係最難寫，呢個劇嘅男女主角撻着全因一幅畫，我演一個鍾意畫畫嘅秀才，女主角好鍾意彈琴唱歌，大家以歌寄情嘅愛情故事。」

Joyce表示今次揀選的劇目由朋友提議：「我出道以嚟都係做人哋嘅劇本，但呢個新人為我寫咗幾個劇本，我希望慢慢介紹畀大家。新人事新作風，睇吓80、90後嘅感覺如何，希望有個新希望。（需唔需要畀意見？）一定要，佢唔知演員嘅要求，佢會寫一啲大眾化嘅嘢。我哋劇團好多老戲骨，所以每一場都會提供意見，畀咗錦囊佢哋，改都係改少少。（要佢哋跟番粵劇原本嘅要求？）一半半。服裝方面我哋改良吓，我哋舞台啲服裝好Fashion，出騷都着得，畀觀眾唔覺得古板，可以與時並進，令小朋友都鍾意睇粵劇。」

---------------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片：https://goo.gl/SnEvpr