袁文傑感動又內疚　帶女友食好西補償

藝員袁文傑參演無綫劇《不懂撒嬌的女人》憑「游生」一角上位，工作不斷，少了時間陪女友張潔蓮（Jackeline）的他大感內疚，雖然未能兌現明年結婚的承諾，但他大派定心丸，日前帶女友品嘗她最喜愛的蟹粉賽螃蟹，並上載撐枱腳的冧爆照片，相中見Jackeline笑到心心眼。袁文傑受訪時說：「呢排工作成日通宵，忙到好少時間陪Jackeline，佢又一句怨言都冇，感動得來又帶點內疚，所以趁嗰日收早，帶埋佢去食佢最鍾意嘅大閘蟹粉宴！」

該食店是他們兩口子經常拍拖開餐的地方，袁文傑今次藉舊地重遊冧女友，意指情不變：「好多食店已經重新裝修，感覺煥然一新，但好在我倆依舊冇咩變！」