吳天瑜火辣騷胸　翠如罕晒泳照網民讚索

藝人黃翠如被網民批評佢喺《使徒行者2》嘅表現欠佳，唔知係咪因為壓力太大，所以佢就去咗旅行散心，近日不時上載風景相，仲罕有咁大晒泳衣照！

雖然黃翠如只係着住一件頭嘅泳衣，並唔係太性感，不過獲一班網民大讚好索，仲話好懷念佢做嘅旅遊節目！今次同行嘅仲有佢嘅好朋友吳天瑜，佢哋兩個一齊手拖手跑沙灘，認真老友！

翠如仲上載咗吳天瑜嘅性感泳照，向今日39歲生日嘅好朋友送上祝福，佢話：「生日快樂，這位性感的女人。吳天瑜，我世界上最重要的人，之一。我把我所有祝福都送給你，你要最好最好最好。生日快樂，我愛的人。」