明年6月開紅館騷 Gin Lee三喜臨門

20171108
東網電視
更多新聞短片
Gin Lee開祝捷會。

入行6年現年31歲歌手李幸倪(Gin Lee)舉行祝捷會,慶祝兩張專輯獲香港音像聯盟有限公司(HKRIA)分別頒發金唱片及白金唱片銷量,更獲譚詠麟(校長)現身撐場。校長大讚Gin Lee的唱片專輯封套相似蘇菲亞羅蘭,其後還親自宣布Gin Lee將於2018年6月開首個紅館演唱會,他謂:「歌足唔足夠就唔知,但佢係少數可以將唔熟悉嘅歌都唱得好嘅歌手,所以對佢好有信心!」之後還送上紅色1號球衣恭賀對方。

積極操Fit

接受訪問時,Gin Lee直言三喜臨門好開心:「搞到自己有啲緊張,感覺好似發夢咁,自己都放咗好多心血落去製作兩張專輯。」她指都是剛剛才知道自己將於2018年6月於紅館開騷,所以心情都好激動。問到會否請校長擔任演唱會嘉賓,她直言有機會,而現在就要開始積極籌備演唱會同操Fit體能,因為屆時會又唱又跳。提到除了校長之外,還想請哪位歌手做嘉賓,Gin Lee坦言好想跟林憶蓮合作,但未知會否有機會。

滿意自己成績

另外,講到天后容祖兒今年將不會出席樂壇頒獎典禮,問到Gin Lee可有信心奪得女歌手獎項,她說:「今年都幾滿意自己嘅成績,出碟都有信心,唔知㗎獎項呢啲嘢。(有信心?)都有信心㗎!(覺得有邊個係勁敵?)今年都有幾位女歌手成績都幾好,唔好話要爭,希望係互相鼓勵,佢哋拎我都會開心。」