大被同眠!蕭正楠背翠如影床照:左擁右抱

20171109
東網電視
更多新聞短片
蕭正楠背住翠如同第個「瞓覺覺」,仲要係三個添!
藝人蕭正楠同女友黃翠如不時傳出婚訊,但都係「只聽樓梯響,不見人下來!」而呢日蕭正楠大膽晒咗張床照,相中人唔係翠如,佢仲留言話「左擁右抱」添!
見到張相床上有四個人,蕭正楠個樣仲囂爆,左攬一個右抱一個,原來佢哋就係一班「公公」!早前蕭正楠就孖住曹永廉、黃浩然及黎耀祥出發到泰國布吉拍攝旅遊節目《公公出埠》,佢哋之前已經率先一齊半裸浸水,呢次仲玩埋大被同眠,仲要4個「公公」共享一張床,真係好HeHe,不過佢哋今次有着浴袍嘅!而唔少網民焦點落喺曹永廉嘅抵死表情上,笑言想打佢,又叫佢哋度蜜月快樂,仲話《公公出埠》變咗《公公出櫃》,非常搞笑!