度蜜月造人成功?陳美詩晒摸肚相孕味濃

20171110
東網電視
更多新聞短片
係咪可以恭喜定先呀?!

歌手孫耀威(Eric)與陳美詩(Macy)早前拉埋天窗,結束八年愛情長跑,由於兩人都好鍾意小朋友,Eric曾透露婚後會盡力造人,估唔到新婚冇耐似乎有好消息傳出喎!

佢哋最近去咗歐洲度蜜月,大歎美食同欣賞靚景,沿途都喺網上分享旅行靚相。而今日Eric於社交網上載咗一張喺車站前嘅Chok相,仲寫下耐人尋味嘅留言:「不是兩個人的度蜜月旅行。」加上Macy早前晒出全身相,見佢一臉幸福咁摸肚,唔通真係有好消息?

隨即亦引起網民關注,唔少人紛紛留言問係咪Macy有喜,仲話希望佢哋今次嘅旅行「兩人去,三人返」,預祝佢哋造人成功,可以早日聽到好消息。