提早慶31歲生日　Hana獲老闆送iPhone X

將於11月24日過31歲生日的歌手菊梓喬（Hana），提早跟歌迷開燒烤聚會慶生，不但收到歌迷獻花，更獲老闆何哲圖送上iPhone X。接受訪問時，Hana透露多年來首次舉行正式的生日會，所以特別開心。她又透露收到好消息指新碟已經火速售罄，而老闆亦表示會加印。

問到生日願望，Hana笑言：「身體健康，事業愈做愈好。（恨唔恨拍拖？）冇諗咁多，依家自己事業先係啱啱起步。（會買禮物獎勵自己？）都冇諗過，或者今晚食杯雪糕獎勵吓自己，同埋我好鍾意打機，或者買隻新Game當係禮物。」