陳嘉茵三連勝揚威台灣　蕭敬騰點名激讚

前女子組合As One成員陳嘉茵單飛發展得不錯，最近赴台灣參與歌唱節目《希望之星》，賽果由全民投票選出每集優勝者，嘉茵之前已憑出色舞技及唱功贏得兩場冠軍，最新一集她獻唱蕭敬騰的歌曲《王妃》，而蕭敬騰正是台下評判之一，面對原唱者，嘉茵完全冇怯場，更揮灑自如台風十足，獲蕭敬騰激讚跳唱俱佳，他笑言投入睇表演而忘記投票，席上更有痴心男Fans在肚腩上寫上「茵」字，並晒肚皮支持，笑爆全場！

最後嘉茵再次贏出，三連勝為港爭光！嘉茵接受東網訪問時表示非常開心，她說：「喺原唱者面前唱佢嘅代表作係需要好大勇氣，見到觀眾嘅反應好好，我都好享受喺舞台表演。（有冇信心再贏？）要有信心做好每場表演，但輸贏唔係最重要，好難控制觀眾投票，唯有做好自己嘅演出。」