無綫禁色令 杜之克:並非要求藝員執行

20171115
東網電視
更多新聞短片
杜之克只今次發memo,係想同事知道公司有咁嘅政策。

無綫發出內部memo,指以後拍劇不應過份賣弄性感,要拍三點式或浸溫泉鏡頭要着t-shirt,強姦、床上戲要意會形式交代。

東網向無綫副總經理杜之克了解,他表示:「公司同事之間係以公司立場發出呢份memo,目的係畀創作、製作部門,佢哋互相發送,亦通知埋啲藝員,等佢哋都知道公司有呢個政策,而並非要求藝員執行。其實電視台主要係家庭觀眾為主,如劇集中有啲強姦、性描寫場口,或節目中有強調女性身材嘅鏡頭或題材,我哋要好小心處理,但唔代表唔可以做,我哋係題材自由,只係要含蓄啲,今次係想以一份整體memo,向各同事重申,我哋係跟規矩,要佢哋留意番啫!」

由於memo內容有提到女藝員出外拍攝時需要女導演或女導演同行,與及如有藝員遇到不被尊重經歷歡迎向公司投訴這兩項,問到杜之克是否有女藝員出現了這個類似情況?他稱:「今次係一個檢討,而非反映行為,絕冇女藝員受到不尊重情況,有關出外拍攝要有女同事同行,係因為而家製作模式跟以前唔同,好多時都係好少人手,如果只係一個女藝員出差,其他係男工作人員,生活細節上的確有不方便情況,我哋考慮到藝員需要啫。」