嚇到腳軟!劉敬雯指導楊千嬅跳舞勁緊張

20171116
東網電視
更多新聞短片
Lydia近期三線發展忙到爆!

歌手劉敬雯(Lydia)最近參與不少電影幕前及幕後工作,包括客串飾演有第三者的未婚妻:「一幕就搞掂晒,但好有滿足感,原來一場戲要交好多嘢,我用番晒以前上堂學過嘅嘢。」不過她認為做幕後的感受較深,很欣賞負責燈光、收音及拍攝等人員的付出:「以後同人合作,無論係做訪問、拍MV或者電影都好,我都好關心大家,因為我身在其中過,知道好辛苦,喺後面不停付出。」提到曾在電影擔任楊千嬅的舞蹈指導,Lydia坦言很大壓力:「因為佢本身識跳芭蕾舞,好犀利,我自己就街舞出身,當然有搵專業嘅芭蕾舞老師幫手,但當日見到千嬅同吳鎮宇真係腳震。」Lydia指當時十分緊張,同時又要控制場面,從中學懂如何應變,知道如何以動作配合鏡頭。

問到最喜歡拍戲、唱歌還是跳舞?Lydia覺得是不同的享受:「我好開心見到觀眾嘅歡樂,一種係人哋行出戲院同你講,另外兩種係即場表演完見到佢哋嘅笑容,三樣對我都好重要。作為一個表演者,最開心莫過於大家Enjoy你嘅作品。目前比較有信心就係跳舞,但我都好鍾意唱歌嗰時嘅緊張,令到我好有生命力,令我知道我仲有好多空間去進步。」成為歌手這半年來,她直言幾辛苦,不過認為這是每一個人都要經歷的:「前輩都唔會再寫呢種辛苦出嚟,只不過我哋多咗啲網上平台可以呻吓,但其實好嚮往做歌手。」她透露早前做了不少校園巡演,現場演唱的經驗多了,因此信心都增加了。

場地提供:華星冰室