拍拖5年！45歲導演黃真真宣布訂婚唔擺酒
20171116
東網電視
更多新聞短片
恭喜晒！
曾拍過《見習黑玫瑰》、《分手說愛你》、《閨蜜》、《消失的愛人》等電影嘅45歲香港導演黃真真喺Facebook晒出幾張與男友嘅合照，並手揸花球宣布喜訊：「Yes，we are engaged！我們訂婚了！」認真恭喜！恭喜！
東網聯絡到黃真真，佢表示未婚夫姓林，同佢一齊搞電影公司，兩人既係工作伙伴，又係人生伴侶。兩人相識15年，已經拍拖5年。黃真真透露昨晚喺尖沙咀一間餐廳訂婚，出席嘅圈中好友有薛凱琪同埋黃百鳴，仲有一啲圈外朋友。感情穩定嘅黃真真又指：「三個星期前有玄學朋友建議我快啲訂婚，而且父母開始年紀大，咁啱佢哋呢排由加拿大、美國返香港，所以昨晚就開開心心咁玩咗一晚。」
問到會否大搞婚禮？黃真真則透露同未婚夫相識多年，因此唔會大搞婚禮，亦唔會擺酒：「我哋唔係嗰隻Style。」又透露自己兩日前才由北京返港，並喺下個月底又要開戲，忙到甩轆！因此佢透露要「搖控」朋友幫忙挑選婚紗。問到戒指有幾多卡以及何時簽字？黃真真未有透露，佢表示：「戒指由未婚夫親手設計，係簡單款式。」
----------------------------
東網巨星開咗ig喇，大家快啲follow啦！