《三生三世》合體！楊冪自拍毀趙又廷靚樣

大陸女星楊冪同趙又廷拍攝嘅電視劇《三生三世十里桃花》紅遍中港台，兩人飾演白淺及夜華，所以被網友稱為「白夜夫婦」，呢對螢幕情侶非常深得觀眾歡心！而呢日兩人喺上海舉行嘅時裝派對上碰面，難得再合體就當然要自拍影相啦！

楊冪喺微博上載合照，留言：「今天很開心遇到老朋友，拍了一些自拍分享給大家！」相中嘅楊冪就Keep住靚，但趙又廷濛到冇樣，五官盡「毀」，不過都依然見到佢笑得好開心，網民都笑言：「這是帥到模糊嗎？」趙又廷就話：「至少我自拍有焦…」

原來兩人早前喺活動上自拍過，但當時係趙又廷揸機，張相留白地方太多，搞到楊冪當時話：「旁邊那些留白還有他自己的表情都是些啥？」如今楊冪終於復仇成功，難怪咁開心Share合照啦！