留長髮同蘇民峰撞樣？黃翊：我唔係M字

歌手黃翊到電台宣傳新歌《我的光》，他笑言一直沒有退出樂壇，只是坐了20多年冷板櫈，因此現在並不是復出：「我做飲食業同唱歌冇乜衝突，不過忙咗同攰咗，日頭要錄音同宣傳，夜晚就返舖頭或者錄影，成日都想瞓覺。」他指新歌講述每人背後都有一道光，慢慢積聚就成為力量，希望大家感受到正能量。說到新歌唱法與當年不同，他笑說：「瀨過咁多嘢，歷練真係多啲，感受大好多。」

提到留長髮的他被指與蘇民峰撞樣，他笑說：「好彩我前面唔係『M』字，係『一』字，比較多頭髮，仲頂得住。」至於他現時身型比較瘦削，他自言飲食正常，但可能太忙所以吸收得不好：「有啲無形厭力，食極都唔肥。有人嚟我舖頭話『大歌星，唱兩句嚟聽吓』，我唔係幾鍾意，賣唱咩！不過都有人叫我千祈唔好唔唱。」