名人：薛芷倫曾患癌「可以生存係福氣」

名媛薛芷倫（Fanny）出席癌症基金慈善餐舞會，曾患癌病的她坦言這個機構最觸動其心靈：「我做咗好多功夫支持佢哋，例如捐錢，我又會同患者傾偈，有啲係我嘅朋友，有啲係經醫務人員介紹，想畀佢哋知道個病係有機會好番。（有冇試過有自殺念頭？）唔會，我覺得健康或者患病都唔可以諗呢樣嘢，可以生存係福氣，生病係經歷而唔係放棄，我依家見到啲年輕人好容易自殺同唔開心，我覺得應該要珍惜生命。」問到近況，Fanny稱最近忙於搬屋、處理物業，而她投資的餐廳將會在曼谷及其他地方開分店。