《娛樂onShow》盧巧音開騷玩唔着？

歌手盧巧音下個月就會喺旺角麥花臣場館舉行個人演唱會，而佢最近就嚟到《娛樂onShow》接受主持人李文珊訪問。提到之前開騷曾性感上陣，問到今次服裝上會畀啲咩驚喜樂迷，盧巧音就講笑話會唔着，認真爆笑！雖然佢同老公Sammy經常如膠似漆，之但係因為老公工作太忙，所以未能幫忙演唱會，難怪盧巧音都話遲啲要對方慢慢還債。

此外，盧巧音亦提起馬國明，原來早年佢哋合作劇集《天涯俠醫》嘅時候，曾經扮演一對夫妻，而佢哋喺劇中嘅婚照就被內地教科書納入為教材，提起呢件事，盧巧音都得啖笑。不過提起最得啖笑，就係唔少網民都經常認錯盧巧音係何韻詩。如果想知道盧巧音點睇同阿詩撞樣一事？咁就一定要留意星期一至五嘅《娛樂onShow》啦！