劉丹生日日期報錯數 陳浚霆擺大烏龍
藝人陳浚霆今午出席玩具店剪綵活動,身為「車迷」的他透露哥哥及爸爸同樣喜歡儲玩具,家中租用的貨倉就「額滿」。

剛與江美儀商演回港的他,今早到九龍灣為舊拍檔劉丹慶祝生日,豈料卻擺了個大烏龍:「係滕麗名佢哋發起嘅,我買埋蛋榚到佢哋外景現場,呢個時候大家推呂慧儀去問清楚,先知原來劉丹身份證報錯咗出生日期,正確日子係1月13日!」

話雖如此,仍令劉丹感動非常,陳浚霆更笑謂:「其實今年年頭我哋已經錯過咗佢嘅生日,嚟緊1月除咗佢之外,我都生日㗎,到時再食走唔甩,睇吓佢仲想玩乜囉。(你有乜生日願望?)都係想內地發展順順利利。」

陳浚霆又透露近日已接了兩套內地網劇,預計明年開工。至於早前接下的真人騷則有意找來江美儀與他「再續前緣」:「我就想叫埋滕麗名同麥長青一齊,咁就齊晒腳喇。」