同潘瑋柏有芥蒂？MC Jin爆：係少聯絡

最近人氣升的MC Jin（歐陽靖）為王梓軒主持的內地節目《V My Guest》擔任嘉賓，兩人相識七年，更一齊主持過無綫節目《Big Boys Club》，王梓軒即刻安排「Homie’s Challenge」 環節考驗兩個人的友情，問到「Jin最希望合作的演員是誰」，兩人想都不用想就同時寫出「周星馳」，果然心有靈犀！Jin要求再戰一題，結果抽到題目「最喜歡的Rapper」， 王梓軒即搞笑：「你想我點寫？」Jin就話：「我唔理！你寫你最喜歡嘅！」最後當然寫MC Jin啦！

王梓軒每集都會為嘉賓設計心理測驗，得出的結果會同Jin玩音樂到通宵的是謝天華，Jin說：「同Laughing哥（天華）拍《潛行狙擊》嘅時候學到咩叫認真專業，佢對後輩一直都好好。」而《中國有嘻哈》擔任佢製作人的吳亦凡，是他最想帶去演唱會的人，他說：「吳亦凡咁歡迎我加入佢嘅團隊，我當然會邀請佢嚟演唱會啦！」最有趣是吳彥祖的結果，是​要跟他​說秘密的人，Jin​即刻​對住鏡頭表白說：「我很愛你啊Daniel Wu」​！​而最準的莫過於測出潘瑋柏是Jin比較少聯絡的人，他就爆說：「之前因為喺《中國有嘻哈》潘瑋柏以為我會揀佢做製作人，結果我無揀，佢都有啲唔開心，不過後來都有傾偈就冇事啦！」最後梓軒更即席伴奏彈結他，再由Jin以他仔仔Chance The Son為題Freestyle演唱。